Programê vîrardişî yê seba awankerdox û pêşanganê PKK’yî Alî Haydar Kaytan û Riza Altunî ke Taxa Tuzluçayira Anqara de amebi destpêkerdene, roja 3. de dewam keno.
Partîya Karkeranê Kurdîstanî (PKK) vizêr encamê kongreya xo ya 12. eşkera kerdbi û dîyar kerdbi ke xo fesih kerdo. Reyna kongre de şehadetê awankerdox û pêşengehanê PKK’yî Alî Haydar Kaytan û Riza Altunî zî amebi dîyarkerdene. Kongre dîyarîya înan ameye kerdene. Eşkerakerdişê şehadetê Alî Haydar Kaytan û Riza Altunî ra pey xeylê şaristananê vakurê Kurdîstan û Tirkîya de rojanê dîyarkerdeyan de do tezîye bêra ronayene. Cayanê tezîye ra yew zî taxa ke Riza Altun tede pîl bîyo, taxa Tuzluçayirî qezaya Mamakî ya Anqarayî ya. Programê vîrardişî yo ke keyeyê Riza Altunî de tede pîl bîyo, roja 3. de dewam keno.
Vîrardişê seba Alî Haydar Kaytan û Riza Altunî keyeyo ke Riza Altun tede pîl bîyo, yê Taxa Tuzluçayirî de roja hîrêyine de dewam keno. Fotografê her di şorişgeranê Kurdîstanî aliqnayeyî û reyna ronayê maseyî ser o zî. Wayê Riza Altunî Nurhayat Altun û Bezar Altun û waya Alî Haydar Kaytanî Gulluşan Kandemîr kesî ke yenê zîyaretî pêşwazî kenê. Xeylê kesî yenê zîyaret û keyeyan rê serweşîye wazenê. Sîyasetmedara kurde Sebahat Tuncel, Hemserekê Pêroyî yê DBP’yî Keskîn Bayindir, Hemserekê Pêroyî yê DEM Partî Tuncer Bakirhan û parlamenterê DEM Partî zî beşdarê programê vîrardişî bîyî.
Tezîye de behsê vîrameyîş û têkoşînê Kaytan û Altunî yeno kerdene û welatijî ke yenê tezîye defterê vîrameyîşî de zî hîs û amancanê xo nusenê.
Programê vîrardişî yê taxa Tuzluçayirî ewro heta şandî do dewam bikero û ewro biqedîyo.
