Kitabê Gurbetellî Ersoz ê “Min Dilê Xwe Li Çîyayan Neqişand” açarîya ziwanê Yunankî û kitab ame weşanayene.
Kitabê Mudira Weşanê Pêroyî ya Ozgur Gundemî Gurbetellî Ersoz a “Min Dilê Xwe li Çîyayan Neqişand” açarîyaye ziwanê Yunankî. Kitab rojaneyanê Gurbetellî Ersoze yê mabênê serranê 1995 û 1997î ra yeno pê. Kitab hetê Weşanxaneyê Agra ra ame çapkerdene ke weşanxaneyo tewr pîl ê Yunanîstanî yo.
Kitabê bi Yunankî de di vateyê verênî yê cîyayî est ê ke hetê rojnameger Ferda Çetîn û Hemsereka Komela Heqanê Merdiman Eren Keskîn ra ameyê nuştene.
Wergerê kitabî qasî 7 serran dewam kerdo. Seba daşinasnayîşê kitabî Atîna de çalakîyêk ameye organîzekerdene. Akademîsyen Îrînî Antonarahoû, Katîa Zagartîtoû û Mûrat Issi sey qiseykerdox beşdarî çalakî benê.
Çalakî de Mûrat Issi kitabî îmza kerd û çalakî qedîyaye.
