Şarê şaristanê Kobanê dîyar kerd ke 26 serrî yo Rayberê Şarê Kurdî Abdullah Ocalan hepisxaneyî de yo û ganî heqê hêvîye ey rê bêro dayîş.
Şarê şaristanê Kobanê derheqê heqê hêvîye û tecrîdê ser Rayberê Şarê Kurdî Abdullah Ocalanî de fikranê xo ajansê ANHA’yî rê pare kerdî.
Wehîda Seyîd Ehmed dîyar kerd ke ê selamê xo şaristanê Kobanê ra heta Îmralî Rayverê Abdullah Ocalanî rê erşawanê û wina va: “Ma veng danê sazîyanê heqanê merdiman ke ganî Rayber Apoyî fîzîkî azad bikerê, çimkî êdî dem demê azadîya fîzîkî ya Rayber Apoyî yo. Na çend serrî yo tecrîd serê Rayber Apoyî de yeno rayra berdiş. Çimkî Rayver Apoyî merdim çinbîyayîşî ra kerd estbîyayîşî, aye ra Dewleta Tirke tecrîdî serê Rayber Apoyî de rayra bena. Dewleta Tirke wazena şar û Rayber Apoyî yewbînan ra cîya bikero, la eksê nê çîyî şar qetî fikranê Rayber Apoyî ra cîya nêbeno.”
Cîhan Bozan destnîşan kerd ke Dewleta Tirke qala aştîye kena, la pratîk de çîyêk bi nameyê aştî çin yo û wina va: “Rayber Apo 26 serrî yo hepisxaneyî de yo. Dewleta Tirke ya îşxalkere her tim wazena şarî Rayber Apoyî ra cîya bikero. Ma sey şarê Kobanê û heme kesê azadîwaştî, ma do her tim seba azadîya Rayber Apoyî têkoşîn bidê heta ke ma Rayverê xo mîyanê xo de bivînê û verra bikerê.”
Cîhan Bozan ard ziwan ke azadîya Rayberê Şarê Kurdî Abdullah Ocalanî azadîya heme merdimeyî ya û wina dewam kerd: “Êdî deme azadîya fîzîkî ya Rayber Apoyî yo, ganî heqê hêvîye Rayverî rê bêro dayîş.”
Hecî Qulaxazî da zanayîş ke kesê ke 25 serran ra zêdêr hepisxane de nêmanenê, înan rê heqê hêvîye est o la Dewleta Tirke heme krîteran binpay kena û wina qedîna: “Heme şar û pêrabesteyê ke Rojhelatê Mîyanên de yê, çimê înan berê Îmralî de yê, ma hêvîya azadîya fîzîkî ya Rayber Apoyî yê ke ey bi coş û heyecanêko girdi verra bikerê.”
