Hemserekê DEM Partî Tuncer Bakirhanî yadkerdişê merdimanê karî de vat: “Gamanê aştî yê tewr muhîman ra yew zî demo vîyarte reyde têrîameyîş o.”
Merdimê karî Savaş Buldan, Adnan Yildirim û Haci Karay ê ke 31 serrî ra ver ameybî qetilkerdene, seba înan Goristanê Avcilarî de merasîmê yadkerdişî ame kerdene. Hemserekê DEM Partî Tuncer Bakirhan û Endama Heyetê Îmraliyî Pervîn Buldan tewrê yadkerdişî bîyî.
Bakirhanî goristan de qisey kerd û bale ante ser ke sey zafaneyê kurdan Buldan, Yildirim û Karay zî cînayetanê faîlanê meçhulan de ameyî qetilerdene. Bakirhanî vat: “Nê merdimî seba ke kurd bîyê, wayîrê ziwan û kulturê kurdan vejîyayêne ameyî qetilkerdene. Faîlê înan eşkera yo. Ma do tim têkoşîn bikerê û faîlan deşîfre bikerê. Heta ke nê faîlî nêrê cezakerdene aştî do nêra û têkoşînê ma do dewam bikero.
Aştîye demo vîyarte reyde têrîameyîş o. Gamanê aştî yê tewr muhîman ra yew zî demo vîyarte reyde têrîameyîş o. Eke dewlete samîmî ya ganî ewil kerdişanê xo de têrî biba.”
