Festîvala Xoza û Kulturî ya Mûnzurî, na serre mîyanê 24-27ê Temmuze de do bêra viraştene. Amadekarîyan tarîxê festîvalî eşkera kerdî.
DADî (Komeleya Elewîyanê Demokratîk) seba 23. Festîvala Xoza û Kulturî ya Mûnzurî kombîyayîş viraşt. Rayedaranê Partîya DEMî yê Dêrsimî, Hemşaredarê Dêrsimî yo ke wezîfe ra ameyo dûrîfînayene Cevdet Konak, endamanê DEDEF, EMEP, SMF, SES, Odeya Zîraetî û şaredarê Xozat, Mêzgêr, Qisle tewrê kombîyayîşî bîyî.
Kombîyayîş de eşkera kerdî ke 23. Festîvala Xoza û Kulturî ya Mûnzurî roja 24ê Temmuze de dest pê bikero û 27ê Temmuze de biqedîyo. Her wina ameyo eşkerakerdene ke 10ê Hezîrane de bernameyê festîvalî eşkera bikerî.
