Tîyatroyê Şaredarîya Amedî ya Şaristanê Girdî (DBŞT), seba ke nuştoxîya kayan a Kurdkî aver bero û nuştoxanê neweyan teşwîq biko, seba Musabeqaya Nuştişê Kayanê Kurdkî ya 7. ya Ebdurrehîm Rehmî Hekarî muracatî dayî destpêkerdene.
DBŞT, seba avarberdişê nuştoxîya kayan a Kurdkî, teşwîqkerdişê nuştoxanê neweyan û ciwanan, û seba ke grûbê tîyatroyî rê metnanê neweyan bido, Musabeqaya Nuştişê Kayanê Kurdkî ya 7. ya Ebdurrehîm Rehmî Hekarî organîze kena.
Heyetê Weçînayîşî û Xelatî
Heyetê weçînayoxî de Dr. Ghotbedin Sadeghi, Helket Edrîs, Kawa Şêxê, Rûgeş Kirici û Şîlan Alagoz est ê. Xelatî nameyê Ebdurrehîm Rehmî Hekarî ke nuştoxê kaya verêne ya Kurdkî “Memê Alan” (1918) ser o yenê dayene.
Şertê Muracatî
Musabeqa de sînorê babetan çin o. Kayî şênê xebatê orîjînal bibê yan zî hetê roman, sanik, şîîr û xatirayan ra adapte bibê. Metnê kayan ganî tewr kêmî 30 hezar karakterî bibê. Kayî ganî nêrê weşanayene, tîyatroyê profesyonelî nêrê erşawitene û musabeqayan de ganî xelat nêgirewtbê.
Her nuştox şêno tena yew kay reyde beşdar bibo. Nuştoxî ganî nameyê xo, adresa xo, bîyografîya xo ya kilme û hûmara telefonê xo zarfêko girêdayeyî ser o rumuzê xo binuso û kaya xo zî ser o rumuz nusîyaye bibo.
Tarîxo Peyên 1ê Tebaxe
Metnê kayanê dîjîtalan 1ê Tebaxe 2025 adresa pespirkasano@gmail.com şênê bêrê erşawitene.
Xelatî
Musabeqa de hirê kayanê verênan rê xelate yena dayene:
– Yewine: 80.000 TL
– Dîyine: 60.000 TL
– Hîrêyine: 40.000 TL
– Mansîyon: 20.000 TL
Beyanê Encaman
Encamê musabeqa hewteyo verên ê aşma Teşrîna Verêne de yenê eşkerakerdene û xelatî wayîranê xo rê yenê dayene.
