Gulîstan Kiliç Koçyîgît: Meclîs do bikewo tehtîl la komîsyon ganî ca de bêro awankerdene. Tehtîl de zî ganî komîsyon bixebitîyo, pêro amadekarîyanê qanûnîyan bikero û seba averşîyayîşê prosesî berpirsîyarî bigîro.
Serekwekîla Grûba DEM Partî Gulîstan Kiliç Koçyîgît Meclîs de kombîyayîşê çapemenîye kerd û rojev erjna.
Erjnayîşê Gulîstan Kiliç Koçyîgît wina yê:
“Pêro şaredarê CHP’yî ganî ca de verabidîyê. Nê operasyonê vera CHP’yî îlegal ê.
Meaşo asgarî kesî rê qîm nêkeno, ganî meaşo asgarî bêro zêdekerdene.
Numan Kurtulmuşo ke newe ra bîyo Serekê Meclîsî ganî seba awankerdişê komîsyonî berpirsîyarî bigîro xo ser o. Seba aştî ma prosesêko krîtîkî de yê. Meclîs nê prosesî de bi zelalî, ganî rol bigêro. Meclîs do bikewo tehtîl la komîsyon ganî ca de bêro awankerdene. Tehtîl de zî ganî komîsyon bixebitîyo, pêro amadekarîyanê qanûnîyan bikero û seba averşîyayîşê prosesî berpirsîyarî bigîro.
Ma wazenê ke pêro partî, rojnameger û kesê ke wazenê, wa bieşkê Abdullah Ocalanî bivînê. Birêz Ocalan zî naye wazeno. Seba çareserîya meseleya kurdan ganî pêro beşê komelî bieşkê Ocalanî de qisey bikerê.
Ma partîyanê sîyasîyan de pêvînayîşî kerdî. Nê pêroyînan zî vat ke ganî Meclîs de komîsyonêk bêro awankerdene. Ganî Numan Kurtulmuş pêro partîyan zîyaret bikero û nînan dormeyê yew masa de bîyaro têhet.”
