Serekê verên ê Sinn Feinî Gerry Adams Rayverê Şarê Kurdî Abdullah Ocalanî rê seba paştgirîya pêvajo mesajêk erşawit û Gerry Adams mesajê xo de va ke Abdullah Ocalan ganî zîndan ra azad bo.
Serekê verên ê Sinn Feinî Gerry Adams Rayverê Şarê Kurdî Abdullah Ocalanî rê seba paştgirîya pêvajo mesajêk erşawit.
Mesajê Gerry Adams wina yo:
“Ez Gerry Adams a. Zaf wext o ke şarê Rojhelatê Mîyanênî heqanê xo yê bingeyênan ra, bi taybetî zî heqê xoserîya neteweyî ya heme şaran ra mehrûm mendî. Qiseykerdişê Serekê PKK’î Abdullah Ocalanî yê 27ê Sibate yê ke vano; ‘Aştî û komelê demokratîkî’ wa bo, yew gamêko muhîm bi.
Averberdişê pêvajoya aştî ya kurd-tirkî yê ke serê prensîbanê caardiş, diyalog, hurmetê yewbînî, edalet û yeksanîye ser o bîyo, piştgirî dano. Ez û Serekê Neteweyî yê Sinn Fein Declan Kearney MLA, bi serekê bînan reyde yew eşkerakerdişêko hempar îmza kerdo ke vengê Ocalanî yê aştîye paştgirî dano.
Zor o ke pêvajoyêka aştîye yê ke mabênê hukmatê Tirkîya û temsîlkarê sîyasî yê kurdan de bêro kerdene, pêro hetan bîgêro xo mîyan.
Diyalog muhîm o.
Heme ra berê, Sinn Fein bawer keno ke Abdullah Ocalan ganî zîndan ra azad bo; azadîya ey seba destpêkerdişê pêvajoya hadrebîyayîşê yew razîbîyayîşê sîyasî bingeyên o. Eynî wext de, ma hewldananê ke seba aştîya pîlêre ya Rojhelatê Mîyanênî bibo. Ma wazenê ke zulmê dewleta Îsraîlî yê serê şarê Fîlîstînî bêro qedînayene.”
