Serekê 16 baroyanê Vakurê Kurdîstanî Meclîs de grûba AKP’yî zîyaret kerd.
Serekê 16 baroyanê Vakurê Kurdîstanî derheqê çareserîya demokratîke ya kurdî de Meclîs de partîyanê sîyasîyan reyde pêvînayîşan kenê. Pêvînayîşê serekanê baroyan roja diyîne de dewam kenê. Serekê baroyan çarçewaya pêvînayîşan de Meclîs de grûba AKP’yî zîyaret kerd. Serekê baroyan hetê Serekwekîlê Grûba AKP’yî Abdullah Guler û Parlamenterê Şirnexî Arslan Tatarî ra ameyê pêşwazîkerdene. Pêvînayîş çapemenî rê girewte ame kerdene. Pêvînayîş 40 deqîqe dewam kerd.
