Girewteyo nêweş Îsmaîl Hakki Tursun (60) 32 serran û 6 aşmann ra dima zîndanî ra vejîya. Tursunî dîyar kerd ke hema bi seyan girewteyê nêweşî zîndan de yê û vat: “Ez xeyrê embazanê xo wina payan ser de menda.”
Girewteyo nêweş Îsmaîl Hakki Tursun (60) 32 serran û 6 aşmî ra dima zîndanî ra vejîya. Tursun 1992 de Amed de girewte bi. Tehlîyeya Tursunî verê cû 4 reyî ameybî taloqkerdene.
Hetê bînî ra Zekî Alakuşo ke 18ê gulana 2019î de Riha de bi îşkence tepişîyabi zî vera dîya.
Tursun û Alakuş hetê keyeyanê xo û endamanê OHD, DEM Partî û DBP’yî ra bi tilîlî û bi sloganê “Bijî berxwedana zindanan” ameyî pêşwazîkerdene.
Tursunî vernîya zindanî de vat: “32 serran ez bi hêzê Kemal Pîr, Hayrî Durmuş, Alî Îhsan Uçkardeş, Doktor Mahsum, Halîl Çavgun û xeylê embazan payan ser de menda. Ez deyndarê înan a. Ez xeyrê Rayber Apoyî hende payan ser de menda.”
Girseyî bêmabên sloganê “Bijî Serok Apo” vat.
Alakuşî zî waşt ke wa girewteyê nêweşî yê bînî zî verabidîyê.
