Çalakîkera heqê cinîyan Şîrîn Ebadî dîyar kerd ke demo ke Îsraîlî hêrişî Hepisxaneyê Evîne kerd, hêzê rejîmê Îranî eşto hepisxaneyî ser o, îşkence û şîdet girewteyan rê kerdo û girewteyî berdê Hepisxaneyê Pîlî yê Tehranî.
Çalakîkera heqê cinîyan û girewtoxa xelata nobele ya aştî Şirîn Ebadî derheqê rewşa girewteyanê sîyasî yê Hepisxaneyê Evîne dimayê hêrişê Îsraîlî, serê hesabê xo yê Telegramî de agahî pare kerd.
Şîrîn Ebadî dîyar kerd ke dimayê hêrişê Îsraîlî ke vera Hepisxaneyê Evîne kerd û girewteyî neqlê hepisxaneyê bînan bîyê, hêzê rejîmê Îranî dest bi îşkencekerdiş û heqaret girewteyanê sîyasî kerdo.
Dewam de Şîrîn Ebadî wina vana: “Demê hêrişê Îsraîlî vera Hepisxaneyê Evîne bi seyan gardîyanan eşto koxuşanê girewteyan ser o û girewteyan rê şîdet kerdo. Dima ra zî şert û mercanê însanîyan ra dûrî de girewteyî neqlê Hepisxaneyê Pîlî yê Tehranî rê kerdê.”
