Belgefîlmo ke derheqê cuya zanyarê namdarî Dr. Malmîsanijî de ameyo viraştene, êdî Youtube de yeno temaşekerdiş.
Dr. Malmîsanij, zanyarêko erjîyaye yo ke derheqê ziwan, edebîyat û tarîxê kurdan de xebatê muhîmî kerdî.
Kerem Tekogluyî ke derheqê kesanê muhîmanê kurdan de belgefîlman virazeno, seba Dr. Malmîsanijî zî yew belgefîlmo erjîyaye amade kerd. Nê belgefîlme de hem xebat hem zî ciwîyayîşê Dr. Malmîsanijî bi hewayêko balkêş ameyê mojnayene.
Belgefîlm reya verêne 9ê Hezîrane de Îstanbul de, dima zî 20ê Teşrîna Verêne de Amed de ameybî mojnayene. Temaşekerdoxan zaf eleqe nîşan dabî belgefîlmî.
Nika kesê ke wazenê cuya zanyaro Erjîyaye Dr. Malmîsanijî bimusê, eşkenê Youtubeî ser o ‘Mamosteyo Bêmamosta’yî temaşe bikerê.”
