Buroyê Enformasyonî yê KCK’yî da eşnawitene ke seba ewleyî rojnamegerî do tewrê merasîmê gerîlayan ê Başûrê Kurdîstanî mebê.
Buroyê Enformasyonî yê KCK’yî derheqê vengdayîşê Rayber Apoyî ke do gerîlayan rê bikero û toreno ke do Başûrê Kurdîstanî de bêro kerdene eşkerayîye daye.
Buroyê Enformasyonî yê KCK’yî da pêhesnayene planê derheqê rojnamegeran ame bedilnayene û nê vatî: ”Bi sebebê rewşa asayîşî, derheqê detayanê merasîmî yo ke yeno plankerdene ke Silêmanî de bêro kerdene, demê kilmî de tay bedilnayîşan hewce kerd. Merasîm senî ke ame plankerdene do bêro kerdene la do ganî mero weşanayene û tewrbîyayîşê rojnamegeran mumkun nîyo. Semedê nê ma zaf qehrîyenê û semedê nê bedilnayîşê lezabezî û deqaya peyêne rîca kenê ma fam bikerê.
Nizdê warê merasîmî de badê merasîmî do ekran bêro ronayene û qeydê vîdeo bêrê weşanayene. Têna wina ma eşkenê zanayîş bidê şima. Ma şima ûca rê dawet kenê. Beno ke şima ra tayî rîyê nê bedilnayîşî ra tewrê merasîmî mebê; ma şima hol fam kenê, hurmet kenê û semedê nê nerehatîye ma qehrîyaye yê.”
