Kiştişê Zarîfe û Alîşêrî ser o 88 serrî vîyartê. Nê semedî ra DBP’yî yew eşkerayîya nuştekî pare kerde û wina vat: “Serkêşanê xoverdayîşî Zarîfa û Alîşêrî bi hesrete anê xo vîrî! Têkoşînê înan o rûmetdar û xoverdayîşê înan o ke tarîx de rêçî verdayî, raya ma roştî kenê.”
Partîya Herêman a Demokratîke (DBP) serrgêra kiştişê Zarîfa û Alîşêrî ser o eşkerayîyêk pare kerde û serkêşê nê xoverdayîşî ardî xo vîrî.
Eşkerayîya DBP’yî wina ya:
“Qetilkerdişê Zarîfa û Alîşêro ke seba azadîya Kurdîstanî bedelê giranî dayî ra dima 88 serrî derbas bîyî. Têkoşînê înan o rûmetdar û xoverdayîşê înan o ke tarîx de rêçî verdayî, raya ma roştî kenê.
Alîşêr û Ana Zarîfaya ke vera polîtîkaya îmhaya ke Qoçkirî ra heta Dêrsimî cografyaya Raya Heqî de nasnameyê kurd û elewîyan hedef girewt, têkoşîno bêhempa kerd, tarîx de nameyê xo bi herfanê zerrênan nuşt. Xoverdayîşo qerardar û israrkero ke vera ferasetê yewperest û înkarkerî qewimîya, ewro têkoşînê azadîye rê rayberîye keno.
Feraseto ke heqê şarê kurdî yê bingeyî înkar kerdî, her tewr metodê îmhayî şuxilna, vera Alîşêr û Zarîfa Raybero ke bi wadanê maddîyan xapîya, xebitna. No zîhnîyeto ke heta nika keno ke polîtîkaya rayberkerdişî bîyaro ca, bi hetkarîya mêrasê şorişgerî yo ke şarê ma Alîşêr û Zarîfa ra girewto, binkewt. Xoverdayîşo ke Qoçkirî û Dêrsim de peyda bî, ewro heme Kurdîstan de vila beno û serdestî neçar verdano.
Ma Zarîfa û Alîşêro ke têkoşîno hempar û rayîrhevalîya xo reyde bîyî çeraxo ke xo ra nêşino bi rêzdarîye û minet yad kenê. Ma verê vîrameyîşê înan de bi hesrete vileyê xo çewt kenê.”
