Hemserekîya Konseya Rayberdişî ya KCK’yî vat, “Ma qerardar ê ke gama ke Rayber Apoyî ma ra waşte, bierzê. Ma bi fikiryayîşê şarê xo û şaranê xo na game erzenê. La wa bêro zanayene ke proses yewhet û têna bi gamanê ke ma erzenê aver nêşino.”
Hemserekîya Konseya Rayberdişî ya KCK’yî bi eşkerayîyêka nuştekîye cewab da mesajê bi vîdeoyî yê Rayber Apoyî ke 9ê temmuze de ame weşanayene. KCK’yî vat: “Ma qerardar ê ke gama ke Rayber Apoyî ma ra waşte, bierzê. Ma bi fikiryayîşê şarê xo û şaranê xo na game erzenê. La wa bêro zanayene ke proses yewhet û têna bi gamanê ke ma erzenê aver nêşino. Goreyê nê gerek prosesî rê raşt bêro nîzdîbîyayêne û gamê ke hewce kenê, bêrê eştene.”
KCK’yî vat Rayber Apoyo ke nê prosesî aver beno gerek bibo azad.
Eşkerayîya Hemserekîya Konseya Rayberdişî ya KCK’yî wina ya: “Abdullah OCALANÎ semedê averşîyayîşê prosesê Haştîye û Komelê Demokratîkî vengdayîşo newe kerd. Vengdayîşê Rayber Abdullah OCALANÎ vizêr ame weşanayene û şarî vengdayîşê ey eşnawit. Sere de seba ke veng dîmenê Rayber Apoyî resayî teber ma şa bîyî. Ma bawer kenê ke şar û dostê ma zî wina şa bîyî. Bi na wesîle ma Rayber Abdullah OCALANÎ rê yo ke hemrayê şar û dostanê ma ke kewna ma vîrî, hesret, heskerdiş û şukrananê xo şawenê.
No vengdayîşê Rayber Apoyî badê vengdayîşê 27ê sibata 2025î vengdayîşê diyînî yo. No vendayîş zî sey vengdayîşê verênî tarîxî yo. Nê vengdayîşî de Rayber Apo qala ci keno ke Vengdayîşê Haştîye û Komelê Demokratîkî heta ça ameyo û ewro tepîya gerek çi bêro kerdene. Rayber Apoyî reyna ard ziwan ke o peyê vengdayîşê tarîxî de yo. Ma zî sey Têgêrayîşê Azadîye no vegdayîşo tarîxî yê Rayber Abdullah OCALANÎ erjna û netîceyanê ci şarê xo rê pare kenê.
Ma vatbi ma paştî danê nê vengdayîşî û berpirsîyarîya ke kewna milê ma do bîyarê ca. Semedê caardişê Vengdayîşê Haştîye û Komelê Demokratîkî sey berpirsîyarîya tarîxî ma qerarê stratejîkî girewtî û goreyê nê gamî eşt ê. Şarê ma zî paştî dayê vengdayîşê Rayber Apoyî. Merhaleya ke ma tede yê dewleta Komera Tirkya û îqtîdarê ci hema goreyê prosesî gamêke nêeşta. Ma nê vînenî û zanê. La rixmê nê ma peyê prosesî de vindetî. Bi hesasîyetê pîlî tewirê xo rê dewam kerd. Ma bawer kenê no cehdkerdişê ma zî yeno vînayene. Nika ma vanê ke ma do sey cewabê vengdayîşê tarîxî yê neweyî gama pêt a ke Rayber Apo ma ra wazeno, ma do bierzê. Sey gamanê bînan ke ma eşt ê, ma na game zî semedê girêdayîşê xo yê Rayber Abdullah Ocalanî û bi bawerîya bi Manîfestoya Komelê Demokratîkî şarê ma û merdimîye do bibê azad, erzenê.
Rayber Apo vengdayîşê 19ê hezîrana 2025î de vano gerek her kes çîyo ke kewno milê ci bîyaro ca û gamê ke gerek bêrê eştene înan vano, proses senî aver şino qala ci keno. Nê tesbîtê Rayber Apoyî gerek bêrê famkerdene û înan ser bêro vindetene. No vengdayîş têna ma rê nê, sere de dewlete û meclîs pêro dezgehanê sîyasetî yê berpirsîyaran rê yo. Ma heta ewroyî gamê stratejîkî eşt ê.
Ma qerardar ê ke gama ke Rayber Apoyî ma ra waşte, bierzê. Ma bi fikiryayîşê şarê xo û şaranê xo na game erzenê. La wa bêro zanayene ke proses yewhet û têna bi gamanê ke ma erzenê aver nêşino. Goreyê nê gerek prosesî rê raşt bêro nîzîbîyayêne û gamê ke hewce kenê, bêrê eştene. Na çarçewe de gerek esaretê Rayber Apoyî bêro qedînayene. Çunke têna bi azadbîyayîşê Rayber Apoyî no proses eşkeno aver şiro û ser bikewo. Eke wina nêbo averşîyayîşê prosesî mumkun nîyo. Semedê sîyasetê demokratîkî û huqûqê pêroyî çîyo ke hewce keno gerek bêro kerdene. Sîyaset û meclîs gerek goreyê nê înîsîyatîf bîgiro û gaman bierzo. Proseso bimana û averşîyayîş têna wina beno.
Ma hêvî kenê ke çîyê ke ma vatî yenê famkerdene û goreyê nê yeno têgêrayene. Ma senî ke heta ewro kerd, ewro ra tepîya zî bi bawerîya ke semedê şarê ma do qezencê girdî bîyaro, na game erzenê. Ma bawerîya xo ya semedê gamê ma do raşt bêrê cewabkerdene û prosesê Haştîye û Komelê Demokratîkî do ser bikewo, pawenê.”
