DEM Partî hêrişê hêzanê hukmato demkî yê Sûrîye yê vera durzîyan şermezar kerd.
Partîya Têduştî û Demokrasîyî ya Şaran (DEMPartî) derheqê hêrişanê hêzanê hukamto demkî yê Sûrîye yê Siwêdayî de vera Durzîyan eşkerayî daye.
Eşkerayî de wina ame vatene: “Hêrişê ke hetê hukmato demkî yê Sûrîye yo ke bi pêşengîya HTŞ’yî ameyo awankerdene, Siwêda de vera komelê durzîyan ver bi qirkerdişî şonê.”
Eşkerayî de nê çîyî ameyê vatene: “Mîlîtanê HTŞ’yî yê ke kewtê şaristanê Siwêda hêrişê komelê durzîyan û bawerîya durzîyan kenê û vejeyo orte ke nê hêrişê hewldayîşê qirkerdişî yê. Goreyê xeberan hêzê pawitişo cewherî yê durzîran Siwêda ra xo anto û no sey tehdîtê qirkerdişî vera komelê durzîyan vêşî keno. HTŞ sey qetlîamo vera elewîyan na reye vera komelê durzîyan keno û no qetlîam do Sûrîye û herême bierzo tehluke.
Polîtîkayê yewpawitox ê ke hetê HTŞ’yî ra nasname, şar û bawerîyanê herême ser o yenê ferzkerdene, derbeyêko pîl danê hewnê ameyoxêko demokratîk ê Sûrîye ro. Nê têgêrî Sûrîye kenê cayê pêkewtiş û kaosanê bêpwynî. Goreyê nê rastîyan eşkerayo ke HTŞ xo nêresneno rastîya zafnasnameyî ya Sûrîye, rixmê nê HTŞ sey DAÎŞ’î hewl dano ke rejîmêko yewpawitox o rêxistinkerde yê dewlete awan biko. Dîyar o ke HTŞ bi pêşengîya xo hewl dano ke zilmo ke bi desan serran şaranê Sûrîyeyî anto binê rejîmêko yewpawitox, bidomno.
Ma vengdanê heme rayberanê berpirsîyarê rewşa sîyasî ya nikayîn ya Sûrîye ke vera HTŞ’yî helwêstêko bi prensîb nîşan bidê û qirkerdişan vindarnê. Ma reyna bale ancenê ke ameyoxo aştîyane yê Sûrîye û aştîya Rojhelatê Mîyanênî ne bi ferzkerdişanê rejîmêko yewpawitox, bi awankerdişê welatêk û heremêka demokratîk reyde bêro ca.”
