Wezîrê pawitişî yê Îsraîlî Katzî hukmato demkî yê Sûrîye îqaz kerd û vengda înan ke hêzanê xo Siwêda ra biancê.
Wezîrê pawitişî yê Îsraîlî Katzî dîyar kerd ke ganî hukmato demkî yê Sûrîye mudaxaleyê kar û baranê Durzîyanê Siwêdayî nêkero û hêzanê xo uca ra apey bianco.
Katzî wina vat: “Îsraîl durzîyanê Sûrîye ra fek veranêdano û do sîyasetê destsernayîşê çekan o ke ma qerarê ci dayo, bêro ferzkerdene.
Katzî îfade kerd ke artêşê Îsraîlî do hêrişanê vera hêzanê hukmato demkî ê Sûrîye nêvindarno û heta ke hukmato demkî yê Sûrîye Siwêda ra vejîyo hêrişanê xo bidomno. Katzî dîyar kerd ke artêşê Îsraîlî demêko kilm de asta cewabdayîşî pîl bikero.
