Amed, Şirnex, Dîlok, Meletî û Riha de têhetameyîşê şarî ameyî kerdene. Kombîyayîşan de bale ameye antene muhîmîya yewîya neteweyîye ser û azadîya fîzîkîye ya Rayberê Şarê Kurdî Abdullah Ocalan ameye waştene.
Amed, Şirnex, Dîlok, Meletî û Riha de çarçeweya ”Têhetameyîşê Haştîye û Komelê Demokratîkî” de kombîyayîşê şarî ameyî kerdene.
Dewa Meyadunî ya qezaya Erxenî ya Amedî de kombîyayîşê şarî ame kerdene. Hemşaredarê Erxenî Şîyar Guldîken û îdarekarê DEM Partî û DBP’yî yê bajar û qeza zafê înan cinîyî bi seyan kesî tewrê kombîyayîşî bîyî. Kombîyayîş de qala ”Vengdayîşê Aştîye û Komelê Demokratîkî” yê Rayberê Şarê Kurdî Abdullah Ocalan ameye kerdene. Hemwelatijan vat paştîya înan Rayberê Şarê Kurdî Abdullah Ocalan de ya û waşt wa dewlete game bierzo.
Dewanê qezayanê Cizîre û Silopya yê Şirnexî de zî bi tewrbîyayîşê sîyasetmedaranê DEM Partî û DBP’yî kombîyayîşê şarî ameyî kerdene. Kombîyayîşan de dîmenê vengdayîşê Rayberê Şarê Kurdî Abdullah Ocalan û merasîmê Koma Aştîye û Komelê Demokratîkî ameyî seyrkerdene. Qiseykerdişanê şarî de bale ameye antene muhîmîya yewîya neteweyîye ser. Qiseykerdoxanê ra yewî ard ziwan ke xeyrê Rayberê Şarê Kurdî Abdullah Ocalan ewro pêro dinya kurdan nas kena û vat kurdî gerek ewro ra tepîya semedê girewtişê heqanê xo bibê yew.
Reyna Dîlok, Meletî, Riha de zî bi eynî waştişî kombîyayîşê şarî ameyî kerdene. Kombîyayîşan de bale ameye antene muhîmîya yewîya neteweyîye ser û azadîya fîzîkîye ya Rayberê Şarê Kurdî Abdullah Ocalan ameye waştene.
