Girewteya HDK’yî Ayşe Panuş, roniştişê ewilî de tehlîye bîye.
Kongreya Demokratîke ya Şaran (HDK) dewaya sucdarîya derheqê Ayşe Panuşa ke bi îdiaya “endamtîya rêxistine” ameyêne muhakemekerdiş, Mehkemeya Ceza ya Girane 2. ya Antalya de ameye vînayene. Derheqê Ayşe Panuş de qerarê tehlîye ame dayîş.
Dimayê 6 aşmî endama Egîtîm Senî Ayşe Panuş hetê embazanêd xo ra Hepisxaneyê Girewte yê Bakirkoyî ra bi çepik û tilîlî ameye pêşwazîkerdiş.
Se bibî?
Çarçewaya cipersayîşêde ke Serdozgerîya Komare ya Stenbolî, hemverê Kongreya Demokratîke ya Şaran (HDK) da destpêkerdiş, 18ê çele de 10 şaristanan de sereştişê keyeyan de mîyanê înan de rojnameger, sendîkaker, hunermend û sîyasetmedarî zî est bî, 51 kesî bi îdiaya “endamtîya rêxistine” destbend kerdî, 30 kesî tepişyaybî.
