Ame zanayîş ke cerdevanan hesin û hacetê goristanê endamanê HPG û YJA-Starî yê ke Koyê Cûdî de bi, dizdîya xûrdeyî kerdê û dima zî berdê rotî.
Goristanê endamanê HPG û YJA-Starî yê Çîyayê Cûdî ke bi nameyê Şehîdgehê Cûma Bilikî (Ramazan Aybî) û Binevş Edessa (Zeynep Bozkurt) yeno zanayîş, serra 2015î de netîceya hêrişê artêşa Tirkî ya bi top û hevanan ra ameyî xirakerdiş.
Serra 2015î ra heta ewro şîyayîşê herême bi baxaneyê “ewleyîye” qedexe yo. Çimeyê herêmî ke şîyî herême û seba ewleyîye nêwaştî nameyanê xo bidî, dîyar kerdî ke dima hêrişê top û hevanan cerdevanî bi kamyonan şîyî herême.
Çimeyan da zanayîş ke cerdevanan serranê 2024-2025î de binê kontrolê lejkeran de şîyî herême û hesinê ke awanîyanê dormeyê goristanî ra vejîyayî û yew maşîna ke mertalanê ganîyan a ke ameya vêşnayîş û hacetê sey jenerator û çadirê nobetî ke uca de bî, sey xûrdê barê kamyonan kerdî û ardî merkezê Şirnexî û rotî.
Seba ke serra 2015î ra pey şîyayîşê herême qedexe yo, rewşa peyêne ya xirabîya goristanî ya ke Koyê Cûdî de ya nêyena zanayîş.
