Wezîrê Çimeyanê Awe yê Îraqî dîyar kerd ke Tirkîya peymana awe binpay kena û vat: “Do beşê ramitişî aşma êlule de bi temamî bêro vindertene.”
Wezîrê Çimeyanê Awe yê Îraqî Ewn Ziyab derheqê rewşa awe ya Îraqî û endîşeyê ci de medyaya Îraqî rê qisey kerd.
Ewn Ziyabî dîyar kerd ke beşê ramitişî do aşma êlula emserrî de bi temamî bêra vindertene û vat: “Tirkîya peymana awe binpay kena, nisbetê awa ke nika yena veradayene, nisbetê sozanê ke Erdoganî dayî, înan reyde eynî yo. Tirkîya wazena awbendanê neweyan viraza. Nê semedî ra awa ke serranê verênan ameyêne Îraqî ya nikayînî ra kêmêr biba.
Ziyabî da zanayene ke Îraq bêçare ya ke aşma êlule de beşê ramitişî bi temamî bida vindertene û nê çîyî vatî: “No zî yeno a mana ke do Îraq berhemanê zereyî ra bêpare bimana. Seba ke dewleta tirke awa Îraqî veranêdana, Îraq rewşêka giran reyde rî bi rî ya.”
