Tîyatroya Kurdkî ya “Qral û Travis” hetê Wezaretê Karanê Zereyî bi îdiayê “Vergirewtişê şuxulnayişî yê sucî” û “Awankerdişê nîzamê pêroyî” qedexe kerd û no qerarê xo ra zî wezaretî wayîr vejîya
Patnosê Agirî, merkezê huner û kulturî de 11 aşmê verê amebî waştiş ke Tîyatroya Kurdkî “Qral û Travis” bêro kaykerdiş la bi qerarê qeymeqamîye tîyatro amebî qedexekerdiş.
Wekîlê Agirî yê DEM Partîye Heval Bozdag seba rewşe, Serekîya Meclîsî ra seba cewabkerdişê Wezaretê Karanê Zereyî pêşnûmeya persî dabî û vat bî ke na tîyatro zaf şaristanê Tirkîya û Kurdistanî de ameya pêşkêşkerdiş, qey Patnosê Agirî de na tîyatro ameya qedexekerdiş?
“Nîzamê pêroyî xirab keno”
Peynîya 11 aşmê Wezaretê Karanê Zereyî Alî Yerlîkaya pêşnûmeye ra cewab da û vat ke Tîyatroya Kurdkî ya “Qral û Travis” hetê înan bi îdiayê “Vergirewtişê şuxulnayişî yê sucî” û “Awankerdişê nîzamê pêroyî” qedexe kerdê û ê peynîya qerarê xo yê.
