Hemşaredarê Şaredariya Peyasî Cengiz Dundar, karkerê ke zereyê zeviyê firîngîyan de ber arê kenê, ziyaret kerd û demê zîyaretê Dundar vato ke qeyranê ekonomîye yê welatî, tesîrê zafê welatîyan ser o yo.
Hemşaredar Cengiz Dundar û endamê meclîsê şaredarîye, karkerê ke zereyê zeviyê firîngîyan ê dewa Cumhuriyetî de ber arê kenê, ziyaret kerdî.
Dundarî bi karkeran ra sohbet kerd, meseleyanê înan rê goşt da û va ke qeyranê ekonomîye yê welatî, tesîrê zafê welatîyan ser o keno û wina va: “Karkerê ke şertanê zaf çetînan de zerzewatî kenê, seba zêdîyayîşê mesrefanê gubre, tûm û sotemenîyê bînan, nêeşkenê qezencêko hol dest bikerê. Bi eynî hawayî, karkerê ke binê tîje de û şertanê çetînan de gureyenê zî nêeşkenê heqê keda xo bigêrê.”
Badê qiseykerdişê Hemşaredar Dundarî û kesê ke ey reyra bî, şapike û destmalî sey dîyarî karkeran rê vila kerdî.
