El Cezîre ya Qatarî eşkera kerd ke roja yewşeme Xeza de hêrişê hewayî yê Îsraîlî de muxabirê înan o namdar Anas El-Şerîf zî tede 5 rojnamegeran cuya xo vîndî kerda.
Artêşa Îsraîlî El-Şerîfî sey ‘Endamêkê Hamasî yo ke kincê rojnamgerî xoradayî’ û ‘Lîderêkê grûbêka hêrişanê bi roket ê vera sîvîl û leşkeran ra berpirsîyar’ pênase kerd û ey kerdo hedef.
Goreyê El Cezîre hêriş vernîya Nêweşxaneyê El Şîfa yê şaristanê Xezayî de ameyo kerdene û çadiranê rojnamegeran rê bombayî ameyê varnayene. Ame dîyarkerdene ke hêrişî de muxabir Mûhammed Kûreyke û kameramanê înan Îbrahîm Zaher, Muhammed Nufal û Moamen Alîwa zî est ê.
Îsraîlî aşma gulana 2024î de weşan û ofîsê El Cezîre yê welatî qedexe kerdbî. Rayberîya Filîstînî zî destpêkê serre de bi sucdarîya “fitne û gengeşî” û “îşxalî” kanalî seba demêk qedexe kerdbi.
