Seba fermandar û pêşenganê Şorişê Azadîye yê Rojava ra Nureddîn Sofî Qamişlo de kona serweşî ameye ronayene.
Merkezê Resnayîş û Çapemenî yê HPG’yî ewro bi eşkerayîyêk dîyar kerd ke Fermandar û pêşenganê Şorişê Azadîye yê Rojava ra Nûreddîn Sofî û gerîlayê HPG’yî Bahtîyar Gabar (Abdulbakî Babûr) 6ê nîsana 2021î de herêma Garê de cuya xo vîndî kerda. Eşkerayî de ame dîyarkerdene ke Endamê Komîteya Merkezî yê PKK’yî û Fermandarê Akademîyanê Apolloyî Metîn Arslan (Koçero Ûrfa) 4ê teşrîna peyêne ya 2019î de Herêmanê Pawitişî yê Medyayî de cuya xo vîndî kerda.
Dimayê resnayîşê nasnameyê Nureddîn Sofî, keyeyê Sofîyî Qamişlo de kona serweşî ronaye. Kone vernîya keyeyê birayê Nureddîn Sofî yê taxa Xerbî ya şaristanê Qamişlo de ameye ronayene.
Şarê herême, zanyar, bawermend, dîndar û risîpîyî kona serweşî zîyaret kenê û keyeyê ey rê serweşî wazenê.
