Seba kontenjanê 3 kesanê ke Komîsyonê Meclîsî yo ke ÎYÎ Partî ra veng mendo, DEM Partî, AKP û CHP do endaman bidê.
Komîsyonê Demokrasî, Wayûbiratîye û Paştîdayîşê Milîyî yê Meclîsî ÎYÎ Partî rê cayê hîrê endaman amebi verdayene. La ÎYÎ Partî temsîlkarê xo nêerşawitî.
Naye ser o Serekê Meclîsî Numan Kurtulmuşî DEM Partî, AKP û CHP’yî ra waşt ke seba îşxalê cayanê vengmendeyan rê endaman bierşawê. Heta saete 17:00î partîyî do endamanê xo dîyar bikerê.
Nika komîsyon de hûmara endamanê partîyan wina ya:
AKP 21, CHP 10, DEM Partî 4, MHP 4, Yenî Yol 3, HUDA PAR 1, Yenîden Refah 1, TÎP 1, EMEP 1, DSP 1 û DP 1 parlamenter.
