Seba qetilbîyayîşê rojnamegeran DBP’yî hesabê xo yê X’î ra û Wekîlê DEM Partî Onur Duşunmezî zî Meclîsî ra reaksîyan nîşan da û Onur Duşunmezî vat ke Çapemenîya Azad cîfê şarî yo
DBP’yî hesabê xo yê X’î ra seba qetilbîyayişê rojnemegeran Nazim Daştan û Cîhan Bîlgîn beyanat da. Beyanatî de ame vatiş ke her di rojnamegerî kedkarê çapemenîya azade, bîyê vengê raştîya Rojawanî.
Beyanatî wina ame vatiş: “Êyê ke bi dagirkerî, qetlîam û kerdişanê xo yê bêhuqûqîyan îradeyê şarê Rojawanî hedef gênê, cehd kenê pê sucê şer û qetilkerdişî sivîlan bikerê hedef. Naye ser zî rojnamegeran hedef gênê. Wa nêro vîrkerdiş ke êyê ke verba nê hêrişan de bêveng manenê, benê parçeyê sûcê şerî. Wa verba nê hêrişan de têkoşînêka xurte bêro averberdiş ke hêrişê vera Rojawanî bêrê vindertiş.”
Hetê bînî ra pêvînayîşê Butçeya Meclîsî de zî Wekîlê DEM Partî Onur Duşunmezî zî demê girewtişê sozî de reaksîyon nîşan da seba qetilbîyayişê rojnamegeran û vat ke çapemenîya azad cîfê şarî yo.
