Elmas Kahraman û Kiymet Geyîke seba ke weşîya xo biramê û hewcê kesî nêbêne çîyo ke pê destanê xo kêye de viraşto anê Sûka Qezaya Dêrsimî Xozat de roşenê. Elmas Kahramane, bi destanê xo astirê bizan, cacim, puçanê rêsinan, lûfan û leçekan neqiş bi neqiş virazena.
Cinikê Dersimijî Elmas Kahraman û Kiymet Geyîke seba ke weşîya xo biramê û pê kedê destanê xo nona xo vejê Sûka Xozatî de çîyanê xo roşenê. Elmas Kahramane pê destanê xo astirê bizan, cacim, puçanê rêsinan, lûfan, leçekan û zaf çîyanê binan bi destanê xo neqiş bi neqiş virazena.
Vana ke: “Nika hêsîrîye, feqirîye zafa, halê ma nîyaro. Kokimanê ma, waxtê verenî de cacimî viraştêne, neqişî viraştêne, her çî dest ra amêne. Nika ravêr de çî kê bî ez înan virazena. Zaf kesî nê cenê, waxtê nikayî de keyayanê kesî de nî çîyê nîyanênî nêmende. Kes seba viraştena nînan ki hewes nêkeno.”
Ma nayê nê viraştê nayera tepya kes nêvirazeno
Elmas Kahramane vana zaf kes pê nê karê mi eleqeder nêbeno. Endî beso ez kî nêkena. Ez zana ke mi ra tepya kes nê karî nêkeno û no kar o nîya nazik beno vîndî.
Kahramane vana: “Ez nê karî maya xo ra misa.” Keyneka hetê xo nîşanê ma dana vana “Ez kî nika kesê ke zê na çêneke wazenê bimisê nîşanê ci dana.” Astiran, caciman, kîliman û çantikanê verê xo nîşanê ma dana û bi heyf vana: “Kes nika qîmetî nînan nêzaneno. Nî ke rê werte ra darîyayî we endî peyser nênê.” Hetê ra zî heşarê halê qirîzê ekonomîya û vana: Şarê ma yê Xozatî feqîr o, dest de tawa çin o ke bêro bigêro.”
Hesîrîya heştay û Panc serran
Kiymet Geyîke dayîkê de 85 serrî ya û reyna zî xover dana. Verî ma rê yew lorike vana. Teyna di diranê xo fek de asenê. Lorika xo ke qedîye na defa zî ma rê qisey kena. Danîyanê verê xo nîşanê ma dana û vana: “Kokimîya Xozatîya. Ez xo rê kê de danîyan girênena ana sûka Xozatî de roşena. Pê pereyê danîyan xo rê di nonan gêna. Se bikerî kokimîya.”
