Wezîrê Pawitişî yê Îsraîlî Yisrael Katzî planê artêşe yê seba îşxalê Gazze tesdîq kerd û seba ney qasê 60 hezar leşkerî tewrê operasyonî kerdî.
Wezîrîye bi eşkerayîyêke da zanayene ke “Artêşa Îsraîlî planê îşxalê Gazze tesdîq kerd û seba ke hêzê 60 leşkeran tewrê operasyonî bibê ferman da.”
Medyaya Îsraîlî na safhaya newîye sey dewamê operasyonê verênî yê “Tankanê Gedeonî” pênase kerd. Amebi îdîakerdene ke operayonan reyde Hamasî darbêka girane werda û se ra 75ê Gazze kewto binê kontrolê Îsraîlî.
Wezîr Katzî plan sey “caardişê bira kabîne yê seba kontrolkerdişê Gazze” pênase kerd. Katzî vat ke wexto ke operasyon biqedo ê do dormeyê Gazze bivurnê.
