Heyetê Îmralî yê DEM Partî, seba pêvînayîşê Rayberê Şarê Kurdî Abdullah Ocalanî reyde hetê Îmralî ra kewt rayîr.
Wekîla Partîya Têdûştî û Demokrasî ya Şaran (DEM Partî) Pervîn Buldan, Wekîlê Riha Mîthat Sancar û Avûkatê Buroyê Huqûqî yê Asrînî Faîk Ozgur Erol ê yê ke Heyetê Îmralî yê DEM Partî de ca gênê, seba pêvînayîşê Rayberê Şarê Kurdî Abdullah Ocalanî reyde hetê Girawa Îmralî ra kewtî rayîr.
Dima awankerdîşê Komîsyonê Yewîya Neteweyî, Waye-Birayîye û Demokrasî ra, cara yewin a ke heyet do şiro Îmralî. Yeno pawitene ke Abdullah Ocalanî derheqê xebatanê komîsyonî û prosesê çekveradayîşî de mesajanê girîngan bido.
