Ame dîyarkerdene ke derûdorê Awbendê Tişrînî abîş reyna bi SÎHA’yan ameyo bombardumankerdene.
Herişê dewleta tirke û grûbanê aye yê paramîlîter û DAIŞ’î yê vera Vakur û Rojhelatê Sûrîye dewam kenê. Teyareyê Biçek ê Bêmerdimî (SÎHA) abîş derûdorê Awbendê Tişrînî yê başûrê Kantonê Kobanî bombarduman kerd. Ame dîyarkerdene ke Awbendê Tişrînî mîyanê 24 saetanê peyênan de di reyî ameyo hedefgirewtene. Derheqê detayanê hêrişî de heta nika zî eşkerayîyêka fermî nêameya dayene.
Heto bîn ra di rojî ra ver grûbanê paramîlîter ê girêdayeyê Tirkîya hewl da ke hêrişê nuqtayanê Meclîsê Leşkerî yê Til Temirî yê derûdorê dewa Til-Lebanî yê rojawanê şaristanê Til Temirî bikerê.
