Stêrk TV derheqê hêrişê çekdarî yê rojnameger Hêmin Mamendî ser o eşkerayîyêk vila kerde û veng da rayedaranê Başûrê Kurdîstanî ke bi lez hêrişkaran bigîrê.
Abîş rojnameger û pêşkêşkarê Stêrk TV’yî Hêmin Mamend Silêmanî de encamê hêrişêkê çekdarî de birîndar bi. Hêrişî de di guleyî Hêmin Mamendî ginayî û o bi giranî birîndar bi. Rojnameger Hêmin Mamend nika nêweşxaneyêkê Silêmanî de yeno demankerdene.
Stêrk TV derheqê hêrişê pêşkêşkarê xo Hêmin Mamendî ser o eşkerayîyêk vila kerd.
Eşkerayîya Stêrk TV’yî wina ya:
“Çimdaro sîyasî, rojnameger û pêşkêşkarê programê televîzyona ma Stêrk TV Hêmin Mamend vizêr şand hetê kesanê xerîban ra taxa Eqarî de ame gulebarankerdene. Pêşkêşkarê ma Hêmin Mamend bi di guleyan bi giranî birîndar bi û nika nêweşxane de yeno dermankerdene. Ma hêrişê vera embazê ma Hêmin Mamendî bi hişkî şermezar kenê û ey rê şîfa wazenê.
Hêriş û hedefgirewtişê rojnamegeran sûcêko mîyanneteweyî yo û hêrişê heqanê merdiman û heqanê komelî ser o yo. Ganî rayedarê herêma başûrê Kurdîstanî bi lez hedîse roşnî bikerê û faîl û hêrişkaranê hedîse eşkera bikerê.”
