Sûranê Amedî binê pawitişê UNESCO’î de yê, çi heyf ke tay beşê sûran de viraştişê kafeyan destpê kerdî, amedijî zî na rewşe ra bertek nîşan da.
Sûranê Amedî, Dinya de tewr derg; kelayêka diyin a. Serra 2015î de zî Sûranê Amedî bî daxîlê lîsteya Kulturî ya UNESCO’yî.
Goreyê xebera ajansa Amîdayî, çi heyf ke tay beşê sûran de faalîyetê tîcarî destpê kerdî. Bine sûran de 9 hebî depo sey merkezê tîcarî ameyê viraştene, hetta ser sûran masa û sandalye zî ronîyaye û kafe ameyê akerdene. Na rewşe ra hem tûrîstê xerîb hem zî tûrîstê herêmî bertek nîşan da. Turîstan dîyar kerd ke na rewşe heqeretê tarîxî ya û wa bi lezî tepa game bêra eştene.
