Festîvala Kulturê Kurdan a Sînan Dersimî ya 5ine Marsîlya de bi tewrbîyayîşê bi des hezaran kesan do 21ê êlule de bêro kerdene. Semedê tewrbîyayîşê festîvale ame vengdayene.
Bajarê Marsîlya ya Fransa de 21ê êlule roja yewşemeyî Festîvala Kulturê Kurdan a Sînan Dersimî ya 5ine do bêro kerdene. Hazirîyê festîvale merhaleya peyêne de yê. Festîvale do warê Parc de la Ravelle (La Rose) bêro kerdene.
Aktîvîteya ke semedê vîrardişê Şehîd Sînan Dersimî ameye organîzekerdene semedê kulturê kurdan û dîaspora de xurtkerdişê paştdayîşî têhetameyîşêko muhîm o. Komîteya hazirkerdişê festîvale va ke ê pawenê ke xeylê bajaranê Fransa ra bi des hezaran kesî tewrê festîvale bibê.
Wekîlê DEM Partî Omer Ocalan, hunermandan Rukene Yilmaz û Koma Rojhilat, alîmanê dînî û xeylê dezgehanê kurdan medyaya sanale ra semedê tewrbîyayîşê festîvale veng da. Vengdayîşê bi nameyê komîte de ame vatene ke festîvale semedê wayîrvejîyayîşê nasname, ziwan û kulturê kurdan platformêk o.
