Komînê Fîlm ê Rojava hîkayeya ke rojnameger Nazim Daştanî behsê aye kerdbi, bi nameyê “Heval Birako” kerd fîlm û dîyarê vîrameyîşê Nazim Daştanî kerd.
Komînê Fîlm ê Rojava hîkayeya ke rojnameger Nazim Daştanî behsê aye kerdbi, bi nameyê “Heval Birako” kerd fîlm û dîyarê vîrameyîşê Nazim Daştanî kerd.
Dîrektorîya fîlmî Numan Yîgîtî kerda. Hîkayeya fîlmî hetê Nazim Daştanî ra ameya amadekerdene û Onder Çakarî zî na hîkaye kerda senaryo.
Antişê fîlmî 7ê tebaxa 2024î de dest pêkerda û 7ê teşrîna verêne ya 2024î dewam kerdo. Antişî ra ver zî aşmêk amadekarîya antişî ameya kerdene. Fîlm saetêk û 53 deqîqe yo.
Fîlm di birayanê ke hetê DAÎŞ’î ra ameyê remnayene, înan ser o ya. Nê birayî hetê DAÎŞ’î ra vera kulturê xo ameyê perwerdekerdene û vera şarê yenê şuxulnayene. La tewr peyên bi cigêrayîş û hesretê înan ê hemverê yewbînan, înan resneno pê. Na hîkayeya resayîşê yewbînan ê di birayan a.
Fîlmê “Heval Birako” do Festîvala Fîlman a Rojava ya Mîyanneteweyî de bêro mojnayene. Festîvale do 13ê teşrîna peyêne ya 20253i de şaristanê Qamişlo de kantonê Cizîrî yê Vakur û Rojhelatê Sûrîye de dest pêbiko û 7 rojan dewam bikero.
