Endamê Komîsyonî yê DEM Partîye dîyar kerd ke eke komîsyono ke Meclîs de ameyo ronîyane, rolê xo do kay bikero, averşîyayîşê tarîxî ra zî ber biakero, ganî heqê hêvîye de game bêro eştene.
Endamê Komîsyonî yê ke Meclîs de ameyo ronîyane, Gulîstan Kiliç Koçyîgît, Meral Daniş Beştaş, Hakki Saruhan Oluç, Celal Firat û Cengîz Çîçek beyanêko nuştêkî da.
Beyanat wina yo:
“Komîsyonê Demokrasî, Wayûbirayî û Netewîye xebatanê xo domneno. Raya pêroyî benda kaykerdişê rolî yê komîsyonî yo. Her kes zaneno ke komîsyon muxatabê her çikî nîyo. Ma zanenê ke eke no komîsyon rolê xo do kay bikero averşîyayîşê tarîxî ra zî ber biakero.
1-Xebatê Komîsyonî yê daraxê yewine de êdî temam beno, karê goşdarîkerdene peynî benî. Ma îfade kenê ke fikrê sazî û dezgeyan seba ma zaf bi muhîm ê. Çiqas fikrê cîya bibî zî eşkera beno ke meseleya kurdî bêro çareserkerdene.
2-Komîsyon de zî kesê ke ameyê goştarîtene ê zî vatî ke ganî daraxê aştîya pozîtîfî ra bêro vîyartene. Rêbaza bawerîye, encax bi gameştena di hetan ra pê yena. Êdî yeno zanayene ke bi polîtîkayê ewleyî meseleya kurdî nîna çareserkerdene.
3-Şerto ke na mesele stunê komelkî, ekonomik, kulturî û sîyasî bêro girewtene ke çareserî bêra. Na mesele êdî meseleya Tirkîya tena nîya, meseleya gerdunî û herêmî ya. No ser zî ganî komîsyon Birêz Abdullah Ocalan bigoştaro.
4-Bi qefelnayîşê daraxê yewine, êdî daraxê diyine yanî newe ra dîzaynkerdişê qanûnan do biverado. Estbîyayîşê Komîsyonî seba newe ra dîzaynkerdişê qanûn û pêşnûmayan ser o yo. Ganî Qanûnê Demserre yê Vîyarteyî, Qanûnê Înfazî, TMK, TCK û CMK’î de bedilyayîşî bêrê kerdene.
5-Komîteya Wezaratan a Konseya Ewropa, qerar da ke wa heqê hêvîye bi lezûbez bêro caardene. Na mesele de gameştina Tirkîya do bibo semede çareserîya meseleya kurdî.
6-Ma sey DEM Partîye armancê ma yê esil, meseleya kurdî zemînê pêkewtişî ra dûrvistiş û afirnayîşê zemînê sîyasî û huquqî yo. Akademîsyenî zî dîyar kerd ke: “Her aştî bi demokrasî netîce nêbena la hetanî meseleya kurdî çareser nêba do Tirkîya ra zî demokrasî nêra.
25ê Êlula 2025”
