Polîsanê Belçîkayî rojnameger Heval Arslan qereqolo ke vengdabî ci, uca de aye destbend kerd û aye erşawite merkezê apeyerşawitişî.
Polîsanê Belçîkayî 23ê êlule de qereqolî ra vengdabi rojnameger Heval Arslan. Polîsan qereqol de aye destbend kerd û erşawite merkezê apeyerşawitişî. Heval Arslan di rojî yo bêyî ke tu maneyê huqûqî bimojnê, bi hewayêko destbendkerde yena girewtene. Ame dîyarkerdene ke wazenê aye teslîmê Fransa bikerê.
Avûkatanê ke Arslan reyde pêvînayîş kerd, dîyar kerd ke rewşa aye ya weşîye baş a û da zanayene ke meqamê Belçîkayî proseduranê îltîcayî nêanê ca, herinda ey ra hewl dayo ke heqê Heval Arslan ê roniştişî xesb bikerê.
Heto bîn ra rojnamegeran seba veradayîşê Heval Arslan veng da hukmatê Belçîkayî.
