Qezaya Çemîşgezekî ya Dêrsimî de destpê viraştişê projeyê HES’î ame kerdene û ame musaneyene ke no proje qeçex o. Muracaatê Baroya Dêrsimî ser o Mahkemeya Îdarî ya Erzînganî qerarê vindernayene da.
Qezaya Çemîşgezekî ya Dêrsimî de bi qeçax destpê viraştişê projeyê HES’î ame kerdene. No ser Baroya Dêrsimî muracaatê Mahkemeya Îdarî ya Erzînganî da û mahkeme zî qerarê vindernayene da.
Babete ser o Baroya Dêrsimî kombîyayîşê çapemenîye viraşt û kombîyayîş ra xeylî welatij û STK’î zî beşdar bîyê.
Ma do têkoşînê xo hetanî peynî bidomnî
Kombîyayîşê çapemenîye de Serekê Baroya Dêrsimî Dogukan Kudat qisey kerd û wina va: “Mahkemeya Îdarî ya Erzînganî qerarê vindernayene da. Ma waştişnameyê xo de zî dîyar kerd ke no proje do ekolojîya Çemê Tagarî rê zirarêko gird bido. Coka zî mahkeme qerarê vindarnayene da. No qerar netîceyê têkoşînê Baroya ma de ame girewtene û no zî serkewtişêk o. Ma do têkoşînê xo hetanî peynî bidomnî.”
