Heyetê DEM Partî yê Îmraliyî seba ke Rayberê Şarê Kurdî Abdullah Ocalan reyde pêvînayîş bikero, şîbî Girawa Îmraliye pêvînayîş ra dima agêra.
Heyetê Partîya Demokrasî û Têduştî ya Şaran (DEM Partî) ya Îmraliyî seba ke Rayberê Şarê Kurdî Abdullah Ocalanî reyde pêvînayîş bikero, serê sibayî ver bi Girawa Îmraliyî kewt bî rayîr. Mîyanê heyetî de Parlamentera Wanî Pervîn Buldan, Parlamenterê Rihayî Mîthat Sancar û endamê Buroyê Huqûqî yê Seserre Faîk Ozgur Erol ke endamê heyetî yê, tede ca girewt bî.
Ame zanitene ke heyet qasê hîrê saet û nêm hetê Abdullah Ocalanî de pêvînayîş ardo ca. Ame zanitene ke heyetê DEM Partîye seba pêvinayîşî siba eşkerayîye bido.
Heyet tewr peyên 28ê tebaxe de şîbi Girawa Îmraliyî û Abdullah Ocalan reyde pêvînayîş kerdbi.
