Endamo verên ê TKP KM’yî Omer Agînî vat ke paradîgmaya ke Abdullah Ocalanî viraşta ganî tena sey teorîk ney, hetê komelkî, tarîxî û felsefeyî razî bêra fehmkerdene.
Endamo verên ê Komîteya Merkeze ya Partîya Komunîstan a Tirkîya û nuştox Omer Agînî ke ANF’yî rê qisey kerd, îfade kerd ke paradîgmaya Abdullah Ocalanî ganî hetanê sosyalîstan ra bêra cigêrayîşkerdene. Goreyê Agînî na paradîgma bi çekuyanê haştîye, komelê demokratîkî û entegrasyono demokratîk bingeyêko felsefî û pratîk yê vurîyayîşê komelkî pêşkêş kena.
Agînî sîstemê fikrîyayîşî ke Têgêrayîşê Azadîya Kurdî afrinayayo, sey fehmêko orîjînal erzîya ke tena komelanê sînifan ser o amade nêbîyo, eleqeyê ey daristan, cinî, komel û tarîxî reyde zî est o. Na çarçewa de fehmê haştîye yê paradîgma, fehmê klasîk yê hukmatanê mabênkaran ra cîya yo, yew çareserîya bingeyê pêkerdişê komelkî û rêxistinbîyayîşê demokratîkî pêşnîyaz kena.
Agînî îfade kerd ke konfederalîzmo demokratîk vera modelê dewlet-neteweyan de alternatîfêko cîddî yo, vat ke bi strukturanê adem-i merkezîyetkî şar eşkeno hetê xo ra xo rêxistin bikero û cuya xo dewam bikero.
Agînî peynî de dîyar kerd ke seba awankerdişê sîstemê komelkî yê neweyî vernîya fehmê kapîtalîstan û sosyalîstan ê dogmatîkan, hewceyîya “însano newe” est a. Goreyê ci no proses bi beşdarîya şarî, virazîyayîşê çekuyanê neweyan û vurîyayîşê fikrîyayîşî eşkeno mumkun bo.
