Şarê ke şîyo tezîyeya rojnameger Nazim Daştanî, polîsî bi sebebo ke “trafîk vindarnayo” cezaya pereyê erebeyanê înan rê birnaye.
Nazim Daştan û Cihan Bilgin ke Vakur û Rojhelatê Sûrîye de hêrişê Tirkîya û SMOyî teqîb kerdêne, 19ê Kanûne de bi hêrişê SÎHAyî ameyî kiştene. Keyeyê Nazim Daştanî waşt ke qezaya Agirî Giyadîn de tezîyeya ey akerê la hetê polîsan ra ameyê astengkerdene. Polîsî waşt ke wayîrê keyeyê tezîyeyî zî bêro îfade bido.
Naye ser o keyeyê Daştanî Taxa Fatîhî de keyeyê xo de tezîyeya ey akerde. Her çiqas ke polîsî dorûverê taxe girewtbo zî şar zaf şîyo tezîyeyî. Kuçeya ke tede yê xora trafîk nêgêreno, polîsî bi sebebo ke “verê trafîkî gêrîyayo” erebeyanê şarî rê 690 TL cezaya pereyan birnaya.
Şarê ke şîyo wesarê Daştanî va ke polîs bi nê metodî wazeno şarî bido tengkerdiş û tedaya înan bikero.
