Kurdistanê Başûrî de cigêrayîşê manyetîkî de paytexta verêne ya Asûran Xorsabad, vilayêko gird û tayê awanîyê bînî ameyî keşifkerdiş.
Paytexta verêne ya Asûran Xorsabad ke nêzdîyê Mûsilî (Nînova) de ya, tede vilayêko gird, baxçeyê bêhempa û berê awe yê binê erdî ameyî dîyayene. Nê eserê tarîxî ke 2 hezar û 700 serrî yê, netîceyê cigêrayîşê manyetîkî de vejîyayî meydan.
Netîceyê cigêrayîşî de tesbît bîyo ke vîla 127 odeyî pêro pîya 5 awanîyê girdî tede est ê.
Jeofîzîknasê Zanîngehê Ludwig-Maximilians ê Munchenî Jorg Fassbinderî ke serekîya cigêrayîşî keno, va her çiqas cigêrayîşê manyetîkî de tena %10ê mintiqa bigirewîyo zî netîceyê balkêşî ameyî bidestvistiş.
Xorsabad seserra 8. BZ de hetê Împeratorê Neo-Asûrî Sargon II. ra ameyo viraştene la verê ke temam bibo ameyo vengkerdene. Keşfê neweyî îspat kenê ke şaristan tena qesr nêbîyo, wayîrê awankerdişêkê şaristanî yo hîra bîyo.
Arkeologî vanê do xebatê vejnayîşê nê awanîyanê ke binê erdî de yê, dewam bikê.
