Forumê Awê Mezopotamya yê 2. Merkezê Kultur û Kongre yê Çand Amedî de dest pêkerd. Forumî de Hemsereka DBP’yî ya Pêroyîye Çigdem Kiliçgun Uçar, Hemşaredarê Amedî Dogan Hatun, hemşaredarê qezayan, Iraq, Sûrîye û Tirkîya ra çalakgerê cugehî, akademîsyenî û temsîlkarê rêxistinanê komelê sîvîlî beşdar bîyî.
Bi mêmandarîya Şaredarîya Amedî ya Şaristanê Girdî Forumê Awê Mezopotamya yê 2. bi hemkarîya Forumê Awê Mezopotamya û Herekatê Ekolojîya Mezopotamyayî ame organîzekerdene. Forumo ke do hîrê rojan dewam bikero, Merkezê Kultur û Kongre yê Çand Amedî de dest pêkerd. Hemşaredarê Amedî Dogan Hatunî forumî de va: “Awe cu ya, coka ganî ma awe bipawê.”
Forumê Awê Mezopotamya yê 2. Merkezê Kultur û Kongre yê Çand Amedî de dest pêkerd. Forumî de Hemşaredarê Amedî Dogan Hatun, Hemsereka DBP’yî ya Pêroyîye Çigdem Kiliçgun Uçar, hemşaredarê qezayan, Iraq, Sûrîye û Tirkîya ra çalakgerê cugehî, akademîsyenî û temsîlkarê rêxistinanê komelê sîvîlî beşdar bîyî. Forum heta 19ê teşrîna verêne do dewam bikero.
Azadîya awe azadîya şarî ya’
Hemsereka DBP’yî Çigdem Kilıçgun Uçar dîyar kerd ke sîstemê kapîtalîst rojane îstismarê awe zêde keno û venga pawitişê xozayî da. Çîgdem Kiliçgun Uçar wina va: “Ganî ma wayîrê xoza û çimeyê xo yê awe vejîyê. Eke ma dest bidê yewbînan û xo ver bidê, ma a bawerî de yê ke ma do bieşkê xoza û çimeyanê xo yê awe xelas bikerê.”
Têgêrayîşê Ekolojî ya Mezopotamyaye Derya Akyol zî neql kerd ke awe tena semedê merdimayî nê, semedê temamê ekosîstemî cuye ya. Derya Akyol va, “Ameyoxê merdimayî tena bi ahengiyê bi xoza û pawitişê çimeyê awe beno.”
Forûm, Merkezê Kongreye û Kulturî yê Çand Amedî de bi roniştişê diyîn çapemenî rê girewte dewam keno.
