Nuştox û rojnameger Huseyîn Aykol ke gonî şîbî mezgê ey, 8 rojî yo beşê ewnîyayîşê awarte yê nêweşxaneyî de yeno dermankerdene û cuya ey ser o tehluke hema zî dewam kena.
Mamosteyanê Çapemenîya Azade ra yew rojnameger Huseyîn Aykol 14ê teşrîna verêne de gonî şîbî mezgê ey, 8 rojî yo beşê ewnîyayîşê awarte yê Nêweşxaneyê Cigêrayîş û Perwerdeyî yê Sîncanî de yeno dermankerdene. Huseyîn Aykol ke nêweşxane de 2 reyî ame emelîyatkerdene, rewşa ey a bi tehluke roja 8. de dewam kena. Reyna seba ke qesbaya ey enfeksîyon girewta, doktoran dest bi şuxulnayîşî dermananê antîbîyotîkan zî kerd. Doktoran dîyar kerd ke rewşa Huseyîn Aykolî de bedilîyayîşêk çin o û dermanê hewnî zî biney kêm kerdê.
Rewşa stabîl a Huseyîn Aykolî dewam kena. Mîyanê roje de zî endamê partîyanê sîyasî û sazgehê sîvîlî zî nêweşxane zîyaret kenê. Cinîya Huseyîn Aykolî, Nuray Çevîrmen û embazê aye yê rojnamegerî zî nêweşxane de kesê ke yenê zîyaret, înan pêşwazî kenê.
