Kasim Firato ke 30 serrî ra tepa agêra dewa xo, rewşa dewa xo ser va ke dorme dewe înan de dewe bî û wina va: “Perûne kerdî tal. Ma çe xo ra bar kerdîme şîme Stenbol. 70 çe bî dewe ma de. Mal û naxire ma bî, ye cîrane ma bî. Ma dewe de cît’ê kerdene. Domanîye ma zaf rind verde ra. Dewe ke kerdî tal, dewe ma de 10 çeyî mend.”
Kasim Firatî dewa Aşkirexî Dêrsimî ra yoû 30 serrî ra tepa agêra dewa xo. Kasim Firat rewşa dew û cuyeya xo ser o ajansê ma rê qisey kerd.
Kasim Firat va ke nejdîyê dewe xo de zaf dewe kerdî tal û wina va: “Dorme dewe ma de dewe bî. Perûne kerdî tal. Ma çe xo ra bar kerdîme şîme Stenbol. 70 çe bî dewe ma de. Mal û naxire ma bî, ye cîrane ma bî. Ma dewe de cîtê kerdene. Domanîye ma zaf rind verde ra. Dewe ke kerdî tal, dewe ma de 10 çeyî mend. Kar qûre rojê ma verdî ra. Ma ûza de şer kerdîme kê, zon keme xo vîra. Sarê ma jûmîn de dûr maneno. Sepkerî me çûtûr bîkerî me, ma va ke komêl rakerî me. Sûkane qirsî je dewe nîyo, dewe perû ne kirmancê sima yê, sûkane qirsî de cencûnê ma rayê xo virne ne. Na raştîya xo ra, ma kome lê kotya kerdîmê ra. Komelê kotya der, Hete ra, poşt dane komalê Aşkîrex bî, hete ra kotya berîmê peser.”
Bîyanê emektarê karî
Kasim Firat destnîşan kerd ke o Stenbol dê qûrîyê ne, doman û zav zêç ma bese ne kerdene peyser berîme dewe xo û wina domna: “Nika dewe xo der o. Kar zaf o, heqay rameme, poşt damê cirane xo, rojê kma hin vereno. Ma olvozû ne xo ra komêl qûret sere xo, pîya lovajê sîpe ramit, pîya kar kerd. Sûnde kê bîyene sare xo ardene serê barşîna, heene xo de hatan sodîrî dewe xo dîye ne. Domanîye ne xo dê kotte fetelyay mê, kottê kay kerdîme hewne ma de bî. Zere 30 sêr de dewe xayalê mi de bî.”
Kottê kê bîya welato to ûza yo
Kasim Firat eşkera kerd ke kottê dê bîya welato to ûza yo û wina qedîna: “Tayîne vanê woşîye xo kotte rameme cayê ma ûza yo. No qesêy mi re qiran yeno. Kam kê dewe xo de bi mano zaf beno rind. Dormê dewe ma jar û dîyarû no, golê bûye rê esta, qodê sorî est o, kam kê sevete na xêzale xora, jar û dîyarûne xo ra, îtîqatê xo ra kar keno, poşt dano, ma înû meyman keme dewe xo, yene ma rê çûtûr pîya xêzale xora wayîr vejîya ne sêr rayê mûsne ne ma ra. Sare ma peysêr bere dewe xo. Koyê xo re, dewûne xo re, jar û diyare xo re, îtîqatê xo re wayîr vejî yê vatena mi sima ra na wa.”
