Hacer Xelîl Yusuf a Efrînije 30 serranê tepîşteyîye yê zîndananê tirkan ra dima resaye Şorişê Rajawan. Hacere vat: “Şorişê Rajawanî seba mi pîroz û rûmet o.”
Hacer Xelîl Yusuf ke 1970î de Efrîn de ameye dinya, bi serranê qijtîya xo de Têgêrayîşê Azadîya Kurdî nas kerd. 1992î de beşdarê gerîlayan bîye. Qezaya Hezex a Şirnexî de teşrîna verêne 1995î de ameye tepîştene.
Zîndan û xoverdayîş
Hacer vat: “Tepîştene de yew aşme aye îşkence dîyo. Wexto ke reya verêne ez berda zîndanî mi vat ‘Yew şorişgere zîndan de senî eşkena biciwîya?’ Labelê pê wextî ma fehm kerd ke ganî pêt vindê û layîqê keda Rayberîye û şehîdan bibê. 30 serran de zaf reyan ame sûrgûnkerdene. 14 serrî Mîdyat de, heşt serrî Gebze de û hîrê serrî zî û Kayserîyî de menda.”
Rojawan
Hacer vat: “Şorişê Rajawanî seba mi pîroz û rûmet o. Herranê xo de fotoyê Rayberê Şarê Kurdî Abdullah Ocalan vînayîş hîsêko bîn o. Pêroyê nê nirxî pê kede û gonîya şehîdan ameyê qezenckerdene.”
Efrîn
Hacer ke îfade kerd ke Efrîn îşxal bîyo vat: “Zaf zehmet o ke ez derheqê îşxalê Efrînî de qisey bikera, ez hîna xo bênesef hîs kena. Ma do heyfê zîndanî xorêxistinekerdiş, fehmkerdişê felsefayê cuya azade û agêrayîşê rûmetinî yê Efrînî bigîrê.”
