Komela Heqanê Merdiman a Dêrsimî bale ante îşkenceyanê ke zîndananê tîpê bi S û Yî (tîpê quye) de yenê kerdene ser û waşt wa nê zîndanî bêrê qefilnayene.
Komela Heqanê Merdiman (ÎHD) a Dêrsimî banê komele de derheqê zîndananê tîpê bi S û Yî (tîpê quye) de eşkerayîye daye.
Hemsereka ÎHDyî ya Dêrsimî Nurşate Yeşîla ke eşkerayîye wende, nê vatî: ”Zîndanê bi tîpê îzolasyonî ke serranê peyênan de ameyî viraştene, sey merkezê tecrîdê giranî tepişteyan komelî ra raqilnenê. Tepişteyî 23 saetanê xo têna hucre de vîyarnenê ra û heqanê xo yê sey roşnê tîje, aktîvîteyanê sosyalan û qiseykerdişî ra mehrum yenê verdayene.”
Yeşîle vistvîrî ke goreyê Şertanê Mandela yê Neteweyanê Yewbîyayeyan tecrîdo ka 15 rojan ra zafêr o sey îşkenceyî yeno hesibnayene û vat zîndananê bi tîpê quye de no bi serran dewam keno. Yeşîle vat heqê tepişteyan ê xizmetê weşîye, pêvînayîşê avûkatan zî yenê binpaykerdene.
NurşateYeşîl vat: ”Ganî pêro zîndanê bi tîpê quye bêrê qefilnayene, tecrîd bêro qedînayene, heqê sosyal û kulturî yê tepişteyan bêrê caardene. Îzolasyon îşkence yo, îşkence sûcê merdimîye yo.”
