Dadgeha Edlîyeyê Herêma Anqaraye, dosyaya ke 11 rojnamegerî ameyîne muhakemekerdiş de cezaya 6 serrî û 3 aşmî yê 7 rojnamegeran tesdîq kerd.
22ine Daîreya Cezaya Dadgeha Edlîye ya Herêma Anqaraye qerarê cezaya û beraetkerdişê 11 rojnamegeranê ke operasyonê 25ê teşrîna verêne 2022ine de ameyî tepiştiş û bi îdiayê “endamîya rêxistine” bi qerarê 4ine Dadgeha Cezaya Girane ya Anqaraye ya 3ê temmuza 2024ine de amebî cezakerdiş, ercna. Daîreya Cezaya 22ine ya Dadgeha Edlîyeyê Herêma Anqaraye, 23ê êlule de semedê kêmbîyayîşê belgeyan dosya berd Dadgeha Îstînafî. Dosyayê kêmî reyke bîn Dadgeha Îstînafî rê ameyî şirawitiş.
Daîreya cezaya zîndanî, 6 serrî û 3 aşmî hemverê Midûra Xeberan ê JINNEWS’î Oznûr Deger, mûxabîrê Ajansê Mezopotamyayî (MA) Dîren Yurtsever, Selman Guzelyuz, Hakan Yalçin, Emrullah Acar û Zemo Aggoz û rojnameger Denîz Nazlîm tesdîq kerd. Heto bîn ra daîre, qerarê beraetî ya mûxabîra verêne ya JINNEWS’î Habîbe Eren, mûxabîra MA’yî Ceylan Şahînli û stajyerê verêne yê MA’yî Mehmet Gunhan zî tesdîq kerd. Qerarê derheqê mûxabîra MA’yî Bêrîvan Altane ame betalkerdiş. Qerar de ame diyarkerdiş ke delîlê dosya de yewbînan temam kenê, raya wijdanî ya prosesê dozgerîyî de ame viraştiş, bingehê zabitnameyê roniştişî û çimdarîyan o, ame îdiakerdiş ke delîlî hetê qanûnî ra derbasdar û munasib ê, pawitişê nêpêbawer ameyî vînayîş û ê goreyê pêkameyîş û wesfê sûcî ameyî qebulkerdiş û bicaardiş. Dadgehe qerar da ke tedbirê kontrolê edlî, bi hawayê qedexeyê tebervejîyayîşî yê rojnamegeranê ke cezayê înan ameya tesdîqkerdiş û semedê Bêrîvan Altane dewam bikero.
