Komîsyonê Ziwan, Kultur û Hunerî yê DEM Partîye çarçiweya Roja Ziwanê Lazkîye de beyanat da û dîyar kerd ke na roje tena pîrozkerdişêk nîya, na roje ziwanêko vindî beno newe ra ganîkerdişî yo û ziwanê lazkîye, nasnameyê şarê lazî yo.
Ewro, 7ê Teşrîna Peyêne Roja Ziwanê Lazkîye yo. Yewina rojnameyê lazkî “Mç’ita Murutsxi”nin (Estera Sûr) 7ê Teşrîna Peyêne ya 1929î de destpê weşana xo kerd û vengê bêhempayî yê muzîkê lazkîye Kazim Koyuncu zî ewro ame dinyaye. Çarçiweya Roja Ziwanê Lazkîye de Komîsyonê Ziwan, Kultur û Hunerî yê DEM Partîye beyanato nuştekî da.
Beyanat wina yo:
“Ewro, 7 Teşrîna Peyêne Roja Ziwanê Lazkî yo. Yewina rojnameyê lazkî “Mç’ita Murutsxi”nin (Estera Sûr) 7ê Teşrîna Peyêne ya 1929î de destpê weşana xo kerd. Na roje tena pîrozkerdişêk nîya, na roje ziwanêko vindî beno newe ra ganîkerdişî yo. Bi seserran lazkî koyê Dengîzo Sîya veng da, çi heyf ke ewro vera polîtîkayê asîmîlasyonî de lazkî helîya û çew êdî sey verên qisey nêkeno.
Seba pawitişê nê mîrasî û nê ziwanî rojanê ameyoxî resnayîş ser o waştişê şenberî yê şarê lazî est ê:
Garantîya Mekaqanûnî: Kultur û ziwanê lazkîye wa mekaqanûnî de bêro naskerdene û pawitene.
Heqê perwerdeyî: Wa lazkî, dibistanan de sey ‘dersa weçînîte’ bêro dayene, keyeyî zî na babete de bêrê destekkerdene û Enstîtuyê Lazkîye ra zî hetkarî bêro dayene.
Warê akademîkî: Sifte zanîngehê Herêma Dengîzo Sîya û sewbî zanîngehan beşê ‘Edebîyat û Ziwanê Lazkîye’ û merkezê akademîkî bêrê ronayene.
Warê raya pêroyî: Sifte TRT de û medya de weşanê lazkîye ra ca bêro dayene, kulturê lazkîye ra wa Dewlete bi cîyakerîya pozîtîfî de nêz biba.
7ê Teşrîna Peyêne, roja roja hetkarîyadayena têkoşînê lazkî yo.
Skidas Lazuri Nena! Wa Biciwo Lazkî!”
