Komîsyonê Vîjnayîşê Berzî yê Xoserî yê Iraqî netîceyê verênî eşkera kerdî. Goreyê ney Koalîsyonê Îmar û Averşîyayîşî ke rayberîya ci Serekwezîr Muhammed Şîya es-Sudan keno, bi partîya yewin.
Baxdad de Partîya Takaddumî bîye partîya dinîye, Koaslîyonê Dewleta Qanûnî yê Nurî el- Malikî rêza hîrêyine de ca girewt. Lîsteya Sudanî Necef û Kerbala de zî yewin o. Herêma Kurdîstanî de PDK Musul, Hewlêr û Duhok de; YNK zî Silêmanî û Kerkûk de bi yewin. Kerkûk de YNK 4, PDK 1 sandalye qezenc kerd. Têgêrayîşê Helwestî ke newe ameyo ronayene 5 parlamanterî vetî, Yekgirtu 4, Yeni Nesil 3 sandalyeyî fînayî dest.
Basra de Koalîsyonê Tasmîm, Enbar û Selahaddîn de Takaddum, Dîyala de zî Têgêraîşê Bedîrî rêzê yewine de ca girewt. Parlamento de reyna komelanê êzidî, feylî, xirîstîyan, şebek û sabiîyan ra zî namzedê kota ameyî vîjnayene.
